Sec residui

Ducj i refudums che no puedin jessi recuperâts, trasformâts e tornâts a doprâ a costituissin il vêr refudum, chel che i disin sec residui.
 

Se la racuelte diferenziade e ven fate in maniere atente e precise, intal contignidôr dal sec residui al finìs pôc materiâl, a benefici dal cost complessîf dal servizi che, inte racuelte di cheste frazion, al à il so pont debil.
Par smaltî il sec residui si doprin i sacs zâi che Isontina Ambiente e consegne cjase par cjase une volte ad an; cui che ju finìs prime de riconsegne al podarà cjatâju in vendite intes buteghis convenzionadis.

I condominis che a àn spazis internis cun almancul 10 fameis residentis a puedin domandâ un scovaçon vert.

A Monfalcon al è VASCO

I citadins di Monfalcon che a àn dificoltât tal usufruî dal sisteme di racuelte "puarte par puarte" a puedin puartâ cjarte e carton, imbalaçs di plastiche e latinis, umit e refudum sec residui a VASCO, il contignidôr mobil di supuart ae racuelte che si ferme a rotazion in 8 ponts de citât.

Lis fermadis e i oraris dulà che si ferme VASCO a son chescj:

LUNIS, MIERCUS e JOIBE

MARTARS, VINARS e SABIDE

IL PROGJET SPERIMENTÂL DI RACUELTE DAL REFUDUM SEC RESIDUI

Tacant dal mês di Otubar dal 2014 Isontina Ambiente e à inviât un progjet sperimentâl di racuelte dal refudum sec residui cul fin di miorâ la cuantitât e la cualitât des frazions di refudum sec residui conferît de utence.
Chest progjet al previôt che a ogni utence i vignedi dât un contignidôr grîs cuntun microchip tal tapon (TAG Rfid) che, tal moment de consegne, al ven associât in maniere univoche a ogni utence.
Tal moment de racuelte i operadôrs a lein cuntun braçalet di pueste il codiç dal microchip regjistrant il disvuedament.
 

I comuns che a àn aderît al progjet sperimentâl a son Marian, Turiac, Romans dal Lusinç, Cormons, Mosse, San Ganzian, Monrupin e Sgonic - Zgonik, Migjee, Vilès, Gardiscje, Starançan, Roncjis di Monfalcon (aree F); Caprive, Dobardò, Dolegne dal Cuei, Fare, Morâr, Segrât, San Lurinç Lisuntin, San Florean dal Cuei, San Pieri dal Tiritori e Savogne dal Lusinç.

REFUDUM SEC RESIDUI a GRAU e a DUIN

I utents dai comuns di Grau e di Duin par conferî in maniere corete il refudum sec residui a àn di doprâ i contignidôrs stradâi di metal o di colôr vert dislocâts sul teritori.