Vert
Il vert al cjape dentri dut ce che al reste dai sfalçs e des cerpiduris di parcs, zardins e ortuts tant che ramaçs, fueis secjis, jerbe.
La racuelte dal vert e ven fate cun metodologjiis diviersis daûr dal comun di residence.
Intal câs di racuelte a domicili (di prenotâ al numar vert 800.844.344 o cun ISApp, la aplicazion par smartphone di Isontina Ambiente) i sfalçs a àn di jessi conferîts in sacs, cerpiduris e ramaçs, invezit, a àn di jessi leâts in fassinis.
Il vert produsût intai comuns gjestîts di Isontina Ambiente al ven inviât al implant di compostazion di Morâr dulà che al ven messedât al refudum umit e inviât ae produzion di compost di cualitât.