Classificazion dai refudums

I refudums a son classificâts, daûr de lôr origjin, in refudums urbans e refudums speciâi, e, daûr des carateristichis di pericolositât, in refudums pericolôs e refudums no pericolôs.

A son refudums urbans:

1. i refudums privâts, ancje di grandis dimensions, che a rivin di locâi e lûcs destinâts a ûs di abitazion civîl;
2. i refudums no pericolôs che a rivin di locâi e lûcs destinâts a ûs diviers di chei dal pont di prime, assimilâts ai refudums urbans par cualitât e cuantitât tant che indicât dal regolament comunâl;
3. i refudums cjapâts sù scovant lis stradis;
4. i refudums di cualsisei nature o divignince poiâts su stradis e areis publichis o su stradis e areis privadis dopradis dut câs par ûs public, o su lis splazis e lis rivis dai cors di aghe;
5. i refudums vegjetâi che a rivin di areis verdis tant che zardins, parcs e areis cimiteriâls;
6. i refudums che a rivin di esumazions e di estumulazions, e ancje altris refudums che a rivin de ativitât cimiteriâl diviers di chei aes letaris b, c, e.

A son refudums speciâi:

• i refudums di ativitâts agriculis e agroindustriâls;
• i refudums che a derivin des ativitâts di demolizion, costruzion, e ancje i refudums pericolôs che a derivin des ativitâts di sgjâf;
• i refudums di lavorazions industriâls;
• i refudums di lavorazions artesanâls;
• i refudums di ativitâts comerciâls;
• i refudums di ativitâts di servizi;
• i refudums che a derivin des ativitâts di recupar e smaltiment dai refudums, i fancs produsûts de potabilizazion e di altris trataments des aghis e de depurazion des aghis refluis e dal abatiment di fums;
• i refudums che a derivin di ativitâts sanitariis;
• i machinaris e lis aparecjaduris deteriorâts e obsolets;
• i veicui a motôr, i rimorchis e altris imprescj simii, rots e i lôr components.