Isontina Ambiente
ITA FUR ENG SLO
Home » Servizis » Racuelte dai refudums » Refudums di grandis dimensions

Refudums di grandis dimensions

Par refudums di grandis dimensions si intindin i bens di consum che a durin tal timp tant che i eletrodomestics, i mobii, lis rêts, i materàs, che par dimensions e carateristichis no puedin jessi conferîts tal servizi di racuelte ordenari.

 

Tra i refudums di grandis dimensions, cun di plui, a ‘nd è cualchidun che al conten materiâi tossics (tant che plomp e mercuri) e che se nol è tratât in maniere corete al cause une vore di dams al ambient.

Par butâ vie i refudums di grandis dimensions i citadins, daûr dal comun di residence, a àn a disposizion dôs modalitâts: a puedin conferîju daurman tai centris di racuelte, o domandâ il ritîr a domicili cuntune prenotazion telefoniche o cuntune prenotazion cun ISApp, la aplicazion par smartphone di Isontina Ambiente.

La categorie dai refudums di grandis dimensions e cjape dentri ancje i RAEE o ben Refudums di Aparecjaduris Eletrichis e Eletronichis (RAEE), lis Pilis e i Acumuladôrs (PA) che Isontina Ambiente e gjestìs dentri de convenzion firmade cun Raecycle S.p.A. (www.raecycle.it).

Graciis a cheste convenzion cumò ancje cui che al comercialize eletrodomestics al pues usufruî dal servizi public par smaltî i eletrodomestics vecjos ritirâts al client tal moment dal acuist di chei gnûfs.