La TARI a Cormons
Descrizion
Tal Comun di Cormons al ven aplicât il Tribût comunâl sui refudums (Tari) par cuvierzi i coscj relatîfs al servizi di gjestion dai refudums urbans e dai refudums assimilâts, inviâts al smaltiment.
Al è obleât a paiâ il tribût cui che al à, a cualsisei titul ancje di fat, locâi e areis scuviertis intal teritori comunâl, destinâts a cualsisei ûs, che a puedin produsi refudums.
Modalitâts di presentazion
- Li dal Sportel:
- Gardiscje - Vie della Campagnola, 1, orari: martars des 9.00 aes 12.30 -
joibe des 14.30 aes 16.30 - Gurize - Vie Mazzini, 4c, orari: lunis e vinars des 9.00 aes 12.30 - martars e joibe des 14.30 aes 16.30
- Roncjis di Monfalcon - Vie Cau de Mezo, 18, orari: joibe des 9.00 aes 12.30 - lunis e miercus des 14.30 aes 16.30
- Cormons - Vie N. Sauro 16; orari:
lunis des 14.30 aes 16.30- vinars des 9.00 aes 12.30
- Gardiscje - Vie della Campagnola, 1, orari: martars des 9.00 aes 12.30 -
- Racomandade cun avîs di riceviment: indreçade a Isontina Ambiente S.r.l. Vie Cau de Mezo 10 - 34077 Roncjis di Monfalcon (GO)
- Vie Fax: 0481-770633
- Vie PEC: isontinambiente@legalmail.it
MODUI (di scjariâ)
- Denunzie di sumission abitazions
- Denunzie di sumission no abitazions
- Denunzie di cessazion
- Denunzie di variazion
- Denunzie des ativitâts zornalieris
- Modul pe domande di rimbors
Modalitât di calcul
La dissipline pe aplicazion dal gnûf tribût e je normade dal regolament de tasse sui refudums (IUC - part Tari), fat bon dal Consei comunâl n. delibare n° 11 dai 20/06/2014 e che si pues cjatâ tal sît dal Comun di Cormons
Cuant che si paie
Il Comun di Cormons al à previodût, par chest an, il paiament de Tari intune soluzion uniche o a ratis cun datis di scjadince che a saran indicadis te bolete"
E je ancje previodude une emission di diference par situazions particolârs (cessazions, sucessions, gnovis utencis seguitivis ae emission des boletis e v.i.)
Dulà e cemût che si paie
L’avîs si pues paiâ dome cul model F24 in ducj i uficis postâi, i sportei bancjaris, par mieç dai servizis di home banking (internet) e li dai tabacârs che a fasin part dal circuit bancjari ITB. Cheste modalitât, deventade obligatorie pal paiament di impuestis e tassis, no previôt spesis pal contribuent e e permet di compensâ daurman eventuâi credits di impueste che a derivin de declarazion dai redits 2017 presentade (mod. 730/2017 o mod. redits 2017).
TARIFIS
Tarife anuâl
La tarife pes utencis domestichis e je proporzionâl cu la superficie e cul numar dai ocupants. Pai residents a Cormons si ten cont dai dâts de anagrafe comunâl.
La tarife pes utencis no domestichis e je proporzionâl cu la superficie e cu la tipologjie di ativitât davuelte.
Tarife zornaliere
La tarife zornaliere e je aplicade aes utencis che a ocupin, cun o cence autorizazion, in maniere temporanie (*) locâi o areis publichis, di ûs public o areis cun servitûts di passaç public. E ven calcolade sui metris cuadris di superficie ocupade, pes zornadis di ocupazion, e e je determinade su la fonde de tarife anuâl dal tribût, rapuartade a zornade, maiorade di un impuart percentuâl dal 100%.
(*) Par ocupazion temporanie si intint l'ûs par mancul di 183 dîs dilunc dal an, ancje se no continuatîfs.
Normative di riferiment
Leç n. 147 art. 1 come 639 e seguitîfs dai 27 di Dicembar dal 2013.
Par informazions
- Gardiscje - Vie della Campagnola, 1, orari: martars des 9.00 aes 12.30 -
joibe des 14.30 aes 16.30 - Gurize - Vie Mazzini, 4c, orari: lunis e vinars des 9.00 aes 12.30 - martars e joibe des 14.30 aes 16.30
- Roncjis di Monfalcon - Vie Cau de Mezo, 18, orari: joibe des 9.00 aes 12.30 - lunis e miercus des 14.30 aes 16.30
- Cormons - Vie N. Sauro 16; orari:
lunis des 14.30 aes 16.30- vinars des 9.00 aes 12.30
CALL CENTER numar vert gratuit 800844344 (atîf di lunis a vinars des 8.00 aes 20.00, sabide des 8.00 aes 13.00)
EMAIL segreteria@isontinambiente.it
FAX 0481 - 770633