Implants e centris di racuelte

Isontina Ambiente e je proprietarie dai implants di compostazion e di selezion di Morâr che e gjestìs cun personâl propri, vint cussì la pussibilitât di monitorâ cuasi dal dut (cun esclusion dal refudum sec che al ven inviât a termovalorizazion) il cicli de gjestion dai refudums.

Isontina Ambiente cun di plui e gjestìs, o e cogjestìs, i Centris di Racuelte dal teritori de provincie di Gurize e dai comuns triestins dulà che al è pussibil conferî i refudums di grandis dimensions e il vert.

A stan sot di Isontina Ambiente ancje lis isulis CONAI di Gurize dulà che i citadins gurizans a àn la pussibilitât di conferî di persone lis frazions riciclabilis di refudums.

A Romans dal Lusinç infin, Isontina Ambiente e gjestìs ancje ROBONONIS, il Centri dal Riûs dulà che i bens scartâts ma ancjemò in buinis cundizions invezit di deventâ refudums a vegnin metûts a disposizion, par un ciert periodi di timp, di privâts citadins che a puedin ritirâju a gratis.