Informative su la privacy

Daûr dal art. 13 dal Regolament European n. 679 dal 2016 (il “Regolament Privacy” o “Gdpr”), Isontina Ambiente S.r.l. e vûl informâti Te e ducj i utents e/o visitadôrs dal sît isontinambiente.it (di chi indevant i “Utents” e il “Sît”), sul ûs dai dâts personâi, dai log files e dai cookies cjapâts sù par mieç di chest Sît.

Titulâr, Responsabii dal tratament dai dâts e Responsabil de Protezion dai Dâts

Il titulâr dal tratament dai dâts personâi al è Isontina Ambiente S.r.l. (P. IVZ 01123290312), cun sede legâl in vie Cau de Mezo n. 10, 34077 Roncjis di Monfalcon (GO), email segreteria@isontinambiente.it, (di chi indevant il “Titulâr”).
La liste inzornade dai Responsabii dal tratament designâts e pues jessi dade fûr su domande dai interessâts e dai utents.

Informazions cjapadis su in maniere automatiche dal Sît.

Tant che ducj i sîts web ancje il nestri Sît al dopre i log files, dulà che a vegnin conservadis lis informazions cjapadis sù in maniere automatizade intant che tu lu visitis. I sistemis informatics e lis proceduris software che a fasin funzionâ il Sît, di fat, a acuisissin in maniere automatiche dilunc dal ûs ciertis informazions, trasmetudis in maniere implicite cuant che si doprin i protocoi di comunicazion di Internet.
Lis informazions cjapadis sù a son chestis:

1. direzion Internet Protocol (IP) o il non a domini dal To dispositîf;
2. tipologjie di browser e parametris dal dispositîf doprât par conetisi al Sît;
3. lis direzions inte notazion URS (Uniform Resource Identifier) des risorsis domandadis o il metodi doprât par someti la domande al server;
4. non dal Internet Service Provider (ISP);
5. date e orari de visite;
6. pagjine web di divignince (referral) e di jessude dal utent;
7. se dal câs il numar di click;
8. la dimension dal file otignût in rispueste;
9. il codiç numeric che al indiche il stât de rispueste dade dal server (bon fin, erôr, e v.i.);
10. altris parametris relatîfs al sisteme operatîf e al ambient informatic dal to dispositîf.

Chestis informazions a son tratadis in maniere automatizade e cjapadis sù dome in forme agregade par verificâ il just funzionament dal sît.

I dâts personâi che tu nus furnissis doprant il sît: par cualis finalitât che ju tratìn

I tiei dâts a vegnin tratâts par chestis finalitâts:

1. adempî ai oblics di leç;
2. fâ la gjestion tecniche dal Sît;
3. erogâ il servizi “Visimi”, par informâti sui servizis di racuelte dai refudums fats intal To Comun, vie pueste eletroniche, tal câs che tu lu vedis domandât in maniere palese par mieç de funzion di pueste presinte intal sît.

I dâts che tu âs furnît a saran tratâts pal plui cun struments informatics sot de autoritât dal Titulâr dal tratament, di bande di sogjets autorizâts in maniere specifiche e istruîts al tratament daûr dal articul 2-quaterdecies dal Codiç Privacy e dai articui 28 e 29 dal Regolament Privacy. Ti informìn che a son metudis in vore misuris di sigurece idoniis, ancje daûr dai articui 5 e 32 dal Regolament Privacy, par prevignî la pierdite dai dâts, i ûs ilecits o no corets e i acès no autorizâts.

Nature obligatorie dal conferiment dai dâts, lis consecuencis di un eventuâl dinei e la base juridiche dal tratament

Tu âs di savê che pes finalitâts specificadis tai ponts (i), (ii) e (iii) dal articul 3 di prime, il conferiment dai Tiei dâts personâi al è obligatori stant che, in mancjance di chest, no tu podarâs, par mieç dal Sît, usufruî dai servizis ufierts dal Sît.
Cun riferiment aes finalitâts specificadis tai ponts (i), (ii) e (iii) dal articul 3 di prime, la fonde juridiche dal tratament e je di fat l'adempiment dai oblics legâi e/o la esecuzion dai servizis furnîts par mieç dal Sît e domandâts di bande Tô (daûr dal articul 6, come 1, let. b e c dal Regolament Privacy e dal articul 24, come 1, let. b dal Codiç Privacy).

A cui e in ce ambit che o podìn trasmeti i tiei dâts

I Tiei dâts a podaran jessi comunicâts, dentri de UE, intal plen rispiet di ce che al è previodût dal Codiç Privacy e dal Regolament Privacy, a chescj sogjets:

1. ae aministrazion finanziarie e/o a altris autoritâts publichis, se chest al è imponût de leç o daûr di une lôr domande;
2. ai istitûts di credit par finalitâts leadis al rapuart contratuâl;
3. aes struturis, ai sogjets e aes societâts esternis che il Titulâr si avâl di lôr par davuelzi ativitâts colegadis, strumentâls o consecuentis ae esecuzion dai servizis ufierts dal Sît e ae spedizion de Newsletter;
4. ai consulents esternis (par esempli, pe gjestion dai adempiments fiscâi), se no designâts par iscrit Responsabii dal tratament.

I tiei dirits

Visiti che in cualsisei moment tu podarâs esercitâ i dirits, specificâts tai articui 15, 16, 17, 18, 20 e 21 e tal Regolament Privacy, mandant une comunicazion scrite ai recapits dal Titulâr, come specificât tal art. 1 di prime e, di consecuence, otignî:

1. la conferme de esistence o mancul dai Tiei dâts personâi cu la indicazion de lôr origjin, la verifiche de esatece o la pussibilitât di domandâ l'inzornament, la retifiche o la integrazion;
2. l'acès, la retifiche, la cancelazion dai dâts o la limitazion dal tratament;
3. la cancelazion, la trasformazion in forme anonime o il bloc dai dâts tratâts in violazion di leç.

Tu podarâs, cun di plui, oponiti al tratament dai dâts che ti rivuardin.
Cun riferiment ae Newsletter, o evidenziìn che il To dirit di domandâ la cessazion dal tratament fat par mieç di modalitâts di contat automatizadis, al cjape dentri ancje a chês tradizionâls. Cun di plui, e reste salve par Te la pussibilitât di esercitâ chest dirit dome in part, o sei domandant la interuzion, par esempli, de spedizion di comunicazions promozionâls fate midiant di un o plui struments di contat che par chei tu âs dât il to consens.

Durade dal tratament

Gjavâts i oblics di leç, i dâts personâi a saran conservâts par un timp determinât, su la base di criteris fondâts su la nature dai servizis furnîts.
I dâts necessaris par erogâ il servizi “Visimi” a saran tratâts intun model di gjestion "OPT-OUT", o sei fin cuant che no tu proviodarâs a disativâ il servizi, par mieç de funzion specifiche presinte intal Sît.

Misuris di sigurece

Par mieç dal Sît i Tiei dâts a son tratâts intal rispiet de leç aplicabile e doprant misuris di sigurece adeguadis, intal rispiet de normative in vore ancje daûr dai articui 5 e 32 dal Regolament Privacy.
Par chest cont, si conferme, par altri, la adozion di misuris oportunis di sigurece indreçadis a impedî acès no autorizâts, robariis, divulgazion, modifiche o distruzion no autorizade dai Tiei dâts.

Modifichis ae informative privacy.

Il Titulâr al à la pussibilitât di modificâ cheste Informative Privacy. In chest câs tu sarâs informât par timp, intal moment che tu doprarâs di gnûf il Sît.
I dâts di contat dal Responsabil de Protezion dai Dâts (RPD): rpd@isontinambiente.it